चिन्ता उडान

शिरमा राख्दा तनाव बढ्ने
काँधमा बोके भार थपिने
छातीमा लिउ विस्मय दिन्छ
पेटमा राखुँ अस्वस्थ बनाउँछ
खुट्टामा त झन् कसरी?
मेरो यात्रा नै रोकिने डर ।

एउटा सादा पन्नामा उसको नाम लेखेँ
र त्यसलाई कागजको हवाइजहाज बनाएर
निकै अग्लाइबाट उडाएँ
इच्छा गरेँ
कामना गरेँ
कि त्यो पानीमा पग्लीजाओस
हावामा हराइजाओस
माटोमा मेटीइजाओस ।
तर किन छाड्थ्यो त्यसले
त्यो माटोको, पानीको र हावाको त म पनि हुँ ।
मिसीन आइपुग्दो हो कता कता गरेर

उडाइ फ्याँकेर के उड्दो हो मेरो चिन्ता
हजारौ कागजका जहाजहरुमा
स्वयम्
म यस्ता लाखौं चिन्ताहरुको जहाज जो हुँ ।